Ruta de la Revolución de 1934 en Llangreo

Visita guiada ente Sama y La Felguera sobre la última revolución obrera d’Europa occidental. Conoceremos espacios, personaxes y edificios claves o los detalles sobre los asaltos a los cuarteles del valle del Nalón, siempre dende una perspectiva didáctiva y oxetiva.

Visitaremos el llugar de los asaltos a los cuarteles d’Urquijo y Sama o la sede del Comité Revolucionariu, pero tamién vamos recrear na vida de la población nesos díes azotaos: cómo funcionó la sociedá tres l’abolición del dineru, la socialización de los talleres de la Duro Felguera, les diferencias ente experiencies revolucionaries (socialista y anarquista) que se vivieron nun mesmu conceyu, asina como les principales figures que punxeron rostru a la rebelión.

La Ruta de la Revolución de 1934 per Llangreo ye una actividá creada y dirixida pol historiador Denis Soria.